:) أيّا مبروك عليكم الإستقلال

أكهوّا عاد. سنّسونا بالفيشتة و بالرّاحة و الإستجمام. أمّا شكون مازال متفكّر علاش واخدينهم هالأيّامات و إلا آش صار فيهم بالضّبط؟
ديما نفس الدّيسكور: وَرَرَيْ وَرَرَيْ اليوم نحتفلو بعيد إستقلال تونس من إستعمار فرنسا الفاضع.
كيفاش كانوا النّاس عايشين قبل الاستقلال و كيفاش ولاّت حياتهم من بعد؟ شنوّا إلّي تغيّر في حياة الفلّاح و إلّا النّسّاج و إلّا المعلّم بعد الإستقلال؟ كيفاش المدن و القرى و الأرياف عاشوا الإستقلال؟ و قبل هذا الكل كيفاش عاشوا الإستعمار؟ و هوّ باللّه شنوا بالضّبط؟ إستعمار و إلاّ حماية؟ و إلّا إنت و الجّو؟ أخطانا مالقوميّة و الوطنيّة و هات نحكيوا على العباد.
ما دام ما عنديش إجابات مقنعة للأسئلة هاذي و ما فركستش عليهم، يبقى نهار 20 مارس ذكرى حدث، و ماهوش ذكرى تغيّر في وضعيّة مجتمع إلى ما هو أحسن